قصيدة هاتعدى الحلوة والمرة .. بقلم د عجايبى لطفى كامل

هاتعدى الحلــوة والمـرة .. والزمــن الصعـب
وهاشوف النور وبالمرة .. هاشــوف الــدرب
هاتعيش النفس الحــــرة .. ف حضـن الرحب
والاتون هايكون فتــــره .. لحضــور الــــرب
انا شايـف فيـه الخيــــر .. ونبــــض الحـــب

هايعدى الشك والحيــرة .. ووقـــت الضعــف
وتجينـى الايـد القديـــرة .. مليــانــه بلطــــف
تسنـدنــــى كل المسيـرة .. تحملنــى بعطـــف
تلمس عينــى الضـريره .. تبان فى الخلــــف
وعود الـرب الغــزيــرة .. بتفــوق الــوصـف

وهاتعدى الوجعـه والاه .. وقت انصهــــــارى
لما تشكل فـــى الحيــاه .. ايـــد الفخــــــــارى
وتدوب كل فنـاء تلقــاه .. وبتستــر عـــــارى
وتحط الكنـز جوه الاناء .. ما انت اعتبـــارى
تظهـــر للكل ايد النجاه .. عنــــــد انكســارى

بقلم دكتور عجايبى لطفى كامل